Aurrekariak eta testuingurua
Astigarragako Udalak azken urteotan egin dituen ikerketek ondorio argi bat utzi dute mahai gainean: 19 eta 44 urte bitarteko gazteen kontsumo-ohiturek eragin zuzena dute herriaren bizigarritasunean eta etorkizunean. Haien erabaki txikiek —non erosi, nori kontratatu zerbitzua, non poteatu— herriko kaleak hutsik edo bizirik egotea baldintzatzen dute.
Gaur egun, eskaintza erraldoi baten aurrean bizi gara: online erosketak, kanpoko markak, publizitate etengabea. Testuinguru horretan, herriko saltoki txikien alde egitea ez da soilik erosle baten erabakia: komunitate baten etorkizuna jokoan dagoen hautua da.
Horregatik, Astigarragako Udalak Popatik Estudio Kretaiboarekin lankindetzan, gazteei begirako sentsibilizazio kanpaina bat jarri du martxan, teknologia berritzaileen bidez mezua modu erakargarri eta deigarrian helarazteko.
Helburuak
Egungo gizarte gain-komunikatuan, gazteen arreta bereziki banatuta dago. Horregatik, kontzientziazio kanpaina bat sortu da tokiko kontsumo-ohiturek komunitatearen etorkizunean duten eragina eragina erakusteko, modu deigarri eta inpaktante batean. Horretarako birtuala erabiliko da, gazteen arreta bereganatzeko eta hausnarketa pizteko, esperientzia bisual, emozional eta kontziente bat eskainiz, parte-hartze aktiboa sustatuz.
Xede-taldeak
gazteen arreta bereganatzeko eta hausnarketa pizteko, esperientzia bisual, emozional eta kontziente bat eskainiz, parte-hartze aktiboa sustatuz.
Sentsibilizazio kanpaina Astigarragako 19-44 urte bitarteko gazteei zuzenduta dago, etorkizuneko kontsumitzaile nagusiei. Xede-talde hau bi segmentutan bereiziko da: 19-29 urtekoak (Z belaunaldia) eta 30-44 urtekoak (Millennial-Y belaunaldia), erosteko behar, ohitura eta erabakietan aldeak dituztelako. Bi segmentu hauen komunikazio kanalak, kontsumitzen dituzten edukiak eta bitartekoak ere ezberdinak izan daitezke, eta horretan oinarrituko da kanpaina, mezua hartzailearen errealitatera egokitzeko.
Justifikazioa
Kanpaina honek tokiko kontsumo-ohiturek etorkizunean izango duten eragina ikusgarri egin nahi du. Horretarako, errealitate birtuala erabili da, gazteen arreta bereganatzeko eta hausnarketa sustatzeko. Errealitate birtualeko betaurrekoek esperientzia birtualak sortzeko gaitasun emozionala, bisuala eta kontzientea eskaintzen dute, eta teknologia murgiltzaile horrek parte-hartze aktiboa bultzatzen laguntzen du.
Mezu nagusia eta irudia
Claim nagusia: “Eta zuk, nola ikusten duzu? #NikAstigarragan”
Kanpainaren irudi nagusia Astigarragako Kale Nagusia bi ikuspegitan erakusten du: hutsik eta ilun, edo bizia eta koloretsua. Horrela, erabiltzaileek beren kontsumo-ohiturek komunitatearen etorkizunean duten eragina modu bisualean ikusten dute.
Ekintzen kronograma
Kanpaina 2025eko maiatzaren 2tik abenduaren 17ra arte garatuko da, lau fase nagusitan:
Moskeo kanpaina (ekain-abuztua): pertsonaia ezagunekin esperientziaren aurkezpena eta jakinminaren sorrera.
Esperientzia birtualak (uztaila-iraila): VR betaurrekoen bidez, gazteek beren kontsumo-ohituren araberako etorkizuneko Astigarraga biziko dute.
Emaitzen komunikazioa (urria-azaroa): esperientzia birtualetan jasotako emaitzak jakinaraziko dira herrian zehar kartelekin.
Merkatarien testigantzak eta itxiera (abendua): merkatarien bideoak eta azken memoria aurkeztea.
Emaitzak eta inpaktua
Kanpaina amaitzeke egon arren, emaitza ikusgarriak ari da uzten kalean zein herritarren artean. Guztira, ehunka gaztek probatu dute errealitate birtualeko esperientzia. Betaurrekoak janztean bizitako irudi kontrajarriak —Astigarraga bizia edo hutsik— hunkigarriak izan dira askorentzat, eta gazte askok sare sozialetan partekatu dute bizipena.
Moskeo kanpainan parte hartu zuten aurpegi ezagunek (Asier Saralegi eta Eider Alonso) gazteen jakinmina piztu dute, horrela, esperientzia birtualetan parte hartzea areagotuz.
Kanpainak Astigarragako gazteak interpelatu eta hausnarketara eraman ditu, eta tokiko merkataritzaren aldeko hautua indartzeko urrats sendoa izan da.
