Negozioarekin daramadan urteetan, gero eta argiago ikusi dut komunikazioaren garrantzia. Gustatzen zaidan zeregina bada ere, ezin naiz denera iritsi, eta POPATIKeko neskek beti nahi izan dudana eskaini didate. Nire balioak bezero potentzialengana iristea, erraz eta estrategia bati jarraituz. Eskerrik asko, neskak! Plazerra da zuekin egotea!

Oso neska profesionalak dira, eta lehenengo momentutik jakin dute nire sare sozialekin nahi nuena helarazten. 360 graduko bira eman diote eta buruan nuena baino askoz hobeto utzi dute!

POPATIK taldeak promoziorako materiala sortu du nire enpresarentzat. Web orri berri bat egin didate, material digitalak zein inprimatuak sortu dizkidate eta baita, itzulpenak egin ere. Bestalde, markaren irudi korporatiboari jarraiki, bezeroentzat markako jertseak egin dizkidate bidaietarako osagarriekin batera. Ezin izango nuen guzti hau hain azkar egin haien trebetasun eta sormenik gabe.

Taldeko kide bakoitzak eginbehar eta espezialitate zehatz bat du, eta elkarrekin lan egitean, proiektu bakoitzari zerbitzu konpletu bat ematea lortzen dute. Denbora eta dirua aurreztu ditut beraiekin.

%100ean gomendatuko nioke POPATIK bere negozioa sustatzeko laguntza behar duenari.

Oso gustura geratu naiz jasotako tratu eta gomendioekin. Enpresa sortu berritan irudi korporatibo guztiaren beharra nuen. Zalantza asko banituen ere berehala lagundu zidaten dena argitzen eta buruan nuen ideia markan plasmatzen jakin zuten.

POPATIKek argi utzi digu gauzak adierazteko eta erakusteko modu desberdin eta anitzak daudela.

Komunikazio Agentziaren izena begiratzea besterik ez dago. POPATIKeko hirukote gazte honen indarrak, freskurak eta alaitasunak komunikazio agentzia desberdina eta profesionala merkaturatu du. Aupa neskak!

Urteak dira Garazi ezagutzeko eta berarekin gure proiektuan lan egiteko zortea izan genuela, POPATIKen abenturan hasi baino askoz lehenago. Atsegin handia da hirukotearekin lan egitea, zure proiektuan parte hartzen dute, eurena balitz bezala. Kontaktu-sare izugarria dute, eta eskertzeko moduko eskuzabaltasuna eskaintzen dizute. Beti behar duzuna baino bi pauso lehenago doaz.

Zure errealitatera egokitzen diren proposamen berritzaileak egiten dizkizute. Beti irekita edozein aldaketatara, egokitzeko gaitasun ikaragarriarekin. Zorrotzak eta profesionalak, eta, beti, irribarre handi batekin. Gehiago eska daiteke? Eskerrik asko neskak!

Popatik sormen handiko enpresa gaztea da. Katalogoak, restylinga eta feriarako stand-diseinuaren ardura beraiengan utzi dugu. Beraiekin lan egitea erraza da, gure aurreikuspenak betetzen dituzte eta diseinu-proposamenak erabat pertsonalizatuak eta egokituak dira.

Plazera da beraiekin lan egitea, proiektuetan duten energia hori kutsatzen baitizute.

POPATIKeko lan taldearekin oso esperientzia ona izan dut. Enpresako logoa berritu zidaten, baita bisita txartel berriak sortu ere. Geroxeago, gure txakolin botila berriaren etiketarekin hasi ginen lanean.

Nire ideia plazaratu nien eta berehala hasi ziren lehenengo bozetoak marrazten. Prozesu guztiarekin eta emaitzarekin ere oso oso gustura nago. Komunikazioa ere oso azkarra eta erraza izan da hasieratik eta oso eroso sentitu naiz.

Seguru nago lan gehiago ere egingo dugula elkarrekin!